Қазақстандықтар қазанда қанша күн демалады?

Қазақстандықтар жыл сайын 25 қазанда атап өтілетін Республика күніне орай демалыс алады, деп хабарлайды El.kz ақпарат агенттігі. 

Биыл Республика күні жұмаға сәйкес келеді.

Сондықтан бес күндік жұмыс аптасы бойынша жұмыс істейтін қазақстандықтар үш күн қатарынан демалады:

• 25 қазан, жұма – Республика күні, ресми демалыс;
• 26 қазан, сенбі – әдеттегі демалыс;
• 27 қазан, жексенбі – әдеттегі демалыс.

Аптасына алты күн жұмыс істейтіндер қосымша демалыс күнін пайдалана алады. Бірақ 26 қазан жұмыс күні болады.

Еске сала кетсек, Республика күні мерекесіне орай демалыс 2022 жылдан бастап беріліп келеді.