Қазақстандық жас өнерпаз «Голос. Дети» байқауының финалына өтті

«Жас сарбаз» шығармашылық студиясының 12 жастағы әншісі Жасмина Түзелова Ресейдің «Голос. Дети» жобасының 12-маусымында финалға өтті, деп хабарлайды El.kz интернет порталы.

Белгілі болғандай, Жасмина байқаудағы өнерін көрмей тыңдау кезеңінен бастаған. Алғашқы әнін орындаған сәтте-ақ үш бірдей жетекшінің назарын аударған.

Қазақстанды үлкен сахнада таныстыру – мен үшін зор мәртебе. Әр әнімді жүрегіммен орындаймын, адамдар менің Отанға деген махаббатымды сезінсе екен деймін, – деді жас әнші.

12 жастағы алматылық өнерпаз Ауған соғысының ардагері Мұратбек Өтеевтің отбасында дүниеге келген. Вокалмен бес жасынан бері айналысады.

Жасына қарамастан, Жасминаның бірқатар байқауда бақ сынап үлгерген.

8 жасында ұлттық «Бала дауысы» байқауының Гран-при жүлдесін иеленді.

2023 жылы халықаралық «Детская Новая волна» фестивалінің финалында өнер көрсетті.

2025 жылы ҚР Орталық әскери оркестрі және Орталық ансамбльмен бірге Мәскеудегі «Спасская башня» XVII Халықаралық әскери-музыкалық фестиваліне қатысып, Қызыл алаңда аңызға айналған «Әлия» әнін орындады.

Айта кетейік, «Голос. Дети» шоуының 12-маусымы 2025 жылғы 5 қыркүйекте басталды. Жобадағы қазылар алқасы – Дима Билан, Владимир Пресняков, Аида Гарифуллина және Наталья Подольская. Жүргізушісі – Яна Чурикова.