Қазақстандық велошабандоздар тоғыз медаль жеңіп алды

Қазақстан құрамасы велотректен халықаралық жарыста 9 медаль жеңіп алды, деп хабарлайды El.kz ақпарат агенттігі Спортты дамыту дирекциясының баспасөз қызметіне сілтеме жасап. 

Грекия астанасы Афины қаласында тректегі велоспорттан өткен халықаралық жарыста Қазақстан құрамасы 9 жүлдеге ие болды. Оның алтауы алтын, екеуі күміс, біреуі қола. Додада Қазақстан намысын 5 спортшы қорғады.

Кейрин бойынша ерлер арасында Сергей Пономарев топ жарды. Спринттен Андрей Чугай чемпион атанса, Сергей Пономарев үшінші орынға ие болды.

Омниумнан Рамис Динмухаметов алтын, ал Артём Захаров күміске қол жеткізді.

Мэдисоннан топтық жарыста Артём Захаров пен Рамис Динмухаметов жеңіске жетті.

Сондай топтық жарыста Артём Захаров жеңіс тұғырынан көрінсе, скретч бойынша күміс медальге ие болды.