Қазақстандық теннисші Испанияда топ жарды

Қазақстандық теннисші Александр Недовесов эквадорлық Гонсало Эскобармен дуэтте «Челленджер» турнирінде жеңіске жетті. Бұл туралы Қазақстан теннис федерациясының баспасөз қызметіне сілтеме жасай отырып El.kz ақпарат агенттігі хабарлайды.

Қазақстандық-эквадорлық жұп Испанияның Жирона қаласында өткен Girona Costa Brava жарысында бірінші нөмірмен өнер көрсетті. Теннисшілер финалда француздар Хонатан Эйссерик /Альбано Оливетти жұбын 7:6 (7:2), 6:4 есебімен ұтты.

Турнирдің сыйақы қоры – 120 мың еуро.

Осылайша, Недовесов «Челленджер» турнирінде 28-чемпиондық атағына қол жеткізді. Оның ішінде үшеуін жекелей сында, қалған 25-ін жұптық сында ұтып алды.