Қазақстандық танымал блогер ана атанды

Қазақстандық танымал блогер Мерей Әбілова тұңғыш баласын дүниеге әкелді. Бұл туралы ол оқырмандарына Instagram әлеуметтік желісіндегі парақшасында мәлім етті, деп хабарлайды El.kz ақпарат агенттігі.

Желі жұлдызы перзентханада түскен суретін жариялап, халықтан сүйінші сұрады.

Қош келдің өмірге, қызым, - деп жазды ол.

Блогер 5 қыркүйек күні босанса да, жаңалықты елге тек бүгін жария етті.

Желі қолданушылары Мерей Әбілованы жарыса құттықтап жатыр.

«Бауы берік болсын», «Алланың сүйікті пендесі болсын», «Құтты болсын. Денсаулықтарыңыз мықты болсын», «Жандарым», - деп оқырмандар суреттің астына пікір қалдыруда.

Әлеуметтік желінің жұлдызы қызының есімін Мариям деп қойған. Айта кетейік, Мерей Әбілованың туған әпкесі Аружан Әбілованың да қызының есімі Мариям деп қойылған.