Қазақстандық шабандоздар Ташкенттегі турнирлерде жүлделі орындарға ие болды

17-27 сәуір аралығында Өзбекстан астанасы Ташкентте конкур бойынша Әлем кубогының және Maxima Masters Eurasia командалық сериясының кезеңдері өтті, деп хабарлайды El.kz ақпарат агенттігі.

ҚР Ат спорты федерациясы баспасөз қызметінің мәліметінше, жарысқа Қазақстан, Өзбекстан және Қырғызстан құрамалары қатысты.

Қазақстан құрамасының нәтижелері жоғары деңгейде болды. Жарыс қорытындысы бойынша біздің спортшылар мынадай нәтижелерге қол жеткізді:

Ксения Баталова (120 см – 2-орын, 160 см – 2-орын, 140 см – 2-орын)

Олег Соколенко (125 см – 2 және 4-орын, 125 см – 5-орын, 130 см командалық – 3-орын)

Нурила Турисбекова (145 см – 4-орын, 130 см – 3-орын, 130 см командалық – 3-орын, 130 см – 2-орын)

Дайана Онаева (130 см – 4-орын, 130 см командалық – 3-орын)

Бекжан Байжанұлы (130 см – 2-орын, 130 см командалық – 3-орын)

Бұл нәтижелер қазақстандық шабандоздардың халықаралық жарыстарға дайындық деңгейінің жоғары екенін және олардың әлемдік аренада лайықты өнер көрсетуге әзір екенін көрсетті.