Қазақстандық өрт сөндірушілер жаңа техника мен жабдықтар алды

Қазақстан ТЖМ басшылығы аумақтық бөлімшелердің материалдық-техникалық базасын күшейтуді жалғастырып жатыр, деп хабарлайды El.kz ақпарат агенттігі.

Алматыда отандық өндірістегі өрт сөндірушілердің жауынгерлік киімдерінің 280 жиынтығы сатып алынды, бұл шұғыл міндеттерді орындау кезінде жоғары қорғаныс пен жайлылықты қамтамасыз етеді.

Сондай-ақ, өртке қарсы қызметтің автопаркі 5 "Skoda Kodiaq" жедел-қызметтік автокөлігімен және "Камаз"шассиі базасындағы екі жаңа өрт автоцистернасымен толықтырылды. Бұл машиналар ең күрделі жол жағдайы мен қолайсыз ауа-райында жұмыс істеуге өте ыңғайлы.

Техника мен жабдықтарды жаңартудағы бұл тәсіл отпен күресу және адамдарды құтқару кезінде ең күрделі міндеттерді орындауға жоғары дайындықты қамтамасыз етеді.