Қазақстандық боксшылар халықаралық турнирде алты медаль жеңіп алды

Ресейдің Хабаровск қаласында бокстан ірі халықаралық турнир аяқталды. Бұл жарыста Қазақстан ерлер құрамасы алты жүлдеге ие болды, деп хабарлайды El.kz ақпарат агенттігі.

Сәкен Бибосынов (54 келіге дейін) пен Нұрлан Сапарбай (92 келіден жоғары) турнир жеңімпазы атанды.

Сағындық Тоғамбай (92 келіге дейін) күміс медаль иеленді.

Ал Теміртас Жүсіпов (48 келіге дейін), Жандос Қыдыралиев (63,5 келіге дейін) және Мұхаммедсадыр Базарбайұлы (67 келіге дейін) қола жүлдегер атанды.