Қазақстандағы алғашқы АЭС-ке ресми атау беріледі

Қазақстандағы алғашқы атом электр станциясына ресми атау беру жоспарланып отыр, деп хабарлайды El.kz интернет порталы.

Бұл туралы Атом энергиясы жөніндегі агенттік хабарлады.

Ведомствоның мәліметінше, нысан атауы жобалау кезеңінде алдын ала қарастырылған.

Алғашқы қазақстандық АЭС-ке атау беру мәселесі қарастырылып жатыр. Қазір бұл бағытта жұмыс жүргізілуде. Егер нақты ұсыныстар түссе, оларды қарастыруға дайынбыз, - делінген агенттік мәліметінде.

Айта кетсек, 8 тамызда Алматы облысы Жамбыл ауданына қарасты Үлкен ауылында ел тарихындағы алғашқы атом электр станциясының (АЭС) құрылысы басталды. Іс-шара барысында АЭС-тің алғашқы макеті де таныстырылды. АЭС құрылысының жалпы бюджеті 14–15 миллиард АҚШ долларын құрайды.