Қазақстанда жел күшейіп, жаңбыр жауады

Қазгидромет 16-18 шілдеге арналған ауа райы болжамын жариялады, деп хабарлайды El.kz ақпарат агенттігі.

Алдағы үш күнде еліміздің аумағының көп бөлігі циклонның ықпалында болады, жаңбыр жауады, найзағай, солтүстікте, оңтүстік-шығыста, орталықта, 16-17 шілдеде солтүстік-батыста, оңтүстікте, 17-18 шілдеде шығыста кей уақыттарда қатты жаңбыр жауады. ҚР бойынша бұршақ, дауыл және жел күшейеді деп күтілуде.

Күндіз ауа температурасы еліміздің батысында + 25 + 36°С, солтүстік-батысында +25+30°С дейін, оңтүстігінде +27+37°С дейін, оңтүстік-шығысында +25+35°С дейін жоғарылайды, солтүстікте, орталықта +21+30°С дейін, шығыста +23+32°С дейін төмендеуі күтіледі.