Қазақстанда Жасанды интеллект министрлігі құрылады – Тоқаев

Мемлекет басшысы Қасым-Жомарт Тоқаев бүгін Парламент палаталарының бірлескен отырысында Қазақстан халқына жолдауында Жасанды интеллект министрлігін құруды тапсырды, деп хабарлайды El.kz интернет порталы.

Мемлекет басшысы жаңа министрлікті ҚР премьер-министрінің орынбасары деңгейіндегі маман басқаруы қажет екенін атап өтті. 

Президент Үкімет ел экономикасының барлық саласын жаңғырту үшін жаппай жасанды интеллектті енгізу қажеттігін тілге тиек етті.

Жаңа технологиялық қалыптың ажырамас бөлігіне айналу үшін бүкіл мемлекеттік басқару жүйесін қайта құрып, оның азаматтар мүддесіне сай болуын қамтамасыз ету, сондай-ақ, ашықтығы мен тиімділігін еселеп арттыру керек. Сондықтан қазіргі құзырлы министрліктің негізінде Жасанды интеллект және цифрлық даму министрлігін құру қажет деп санаймын. Жаңа министрлікті премьер-министрдің орынбасары деңгейіндегі маман басқаруы керек.

Үкімет экономиканың барлық саласын жаңғырту үшін жаппай жасанды интеллектіні енгізу қажет. Қазақстанды бәсекеге қабілетті ел ретінде дамытамыз десек, жұмысымызды жаңаша тәсілмен жүргізуіміз керек, - деді президент.