Басты
Жаңалықтар

Қазақстанда жаңа ипотекалық бағдарлама іске қосылады

02.04.2025 17:54
Мадина Асылбекова
Фото: Pixabay
Қазақстанда аймақтарға арналған жаңа "Орда Аймақ" ипотекалық бағдарламасы іске қосылады, деп хабарлайды El.kz ақпарат агенттігі Қазақстан тұрғын үй компаниясына сілтеме жасап.
 
Қазақстан тұрғын үй компаниясы биыл 7 сәуірден бастап ипотекалық несиелендірудің "Орда Аймақ" бағдарламасын іске қосады. Компания кепілдігімен құрылысқа үлестік қатысу туралы шарт бойынша салынып жатқан тұрғын үйді сатып алуға болады. Яғни үлескердің инвестицияларына компания кепілдік береді. Құрылыс аяқталмаған немесе құрылыс компаниясы банкрот болған жағдайда, Қазақстан тұрғын үй компаниясы баспананың салынып бітуіне кепіл болады.
 
Өтінімдер "Отбасы Банкі" уәкілетті агенттері арқылы қабылданады. 21 жастан асқан Қазақстанның кез келген азаматы қарыз алушы бола алады. "Орда Аймақ" бағдарламасында "Отбасы Банкте" депозиттің болуы, қарыз алушыға қойылатын талап пен тұрғын үйдің болуы туралы шектеу қолданылмайды, - дейді компания.
Бағдарламаның негізгі артықшылықтары:
 
15,9% мөлшерінде белгіленген сыйақы;
 
жылдық тиімді сыйақы мөлшерлемесі 17,26%-тен 22,81%-ке дейін.
Икемді шарттар:
 
бастапқы жарна 20% бастап;
 
қарыз сомасы 1 млн теңгеден 75 млн теңгеге дейін;
 
қарыз мерзімі 12 айдан 240 айға дейін.
Салынып жатқан тұрғын үйдің бағасы дайын тұрғын үйге қарағанда төмен. Жаңа құрылыс объектілерінің сипаттамасымен, сондай-ақ сату бөлімшелері мен консультанттардың байланыс нөмірімен ҚТК тұрғын үй порталында танысуға болады.
Баспана ипотека
Қысқа да нұсқа. Жазылыңыз telegram - ға

Оқи отырыңыз