Қазақстанда ұшақтардың жиі зақымдануының себептері аталды

Көлік министрлігінің өкілі Қазақстанда ұшақтардың әуежайларда жиі зақымдалуына қатысты пікір білдірді, деп хабарлайды El.kz ақпарат агенттігі.

Көлік вице-министрі Талғат Ластаевтың сөзінше, елімізде әуе рейстері жиілеген. Ал тамыз айында жолаушылар тасымалының ең жоғары көрсеткіші тіркелген. Тиісінше бес әуе кемесіне зақым келген: бірнешеуін техника зақымдаса, бір борт дауыл кезінде зақымданған.

Оның айтуынша, әр жайтқа байланысты тергеу жүріп жатыр және мұны әуе компаниялары мен әуежайлар арасындағы текетірес деп қарастырудың қажеті жоқ.