Қазақстанда төртінші мобильді оператор пайда болуы мүмкін бе? Вице-министр жауап берді

Цифрлық даму, инновациялар және аэроғарыш өнеркәсібі вице-министрі Асхат Оразбек Сенат брифингінде елде төртінші мобильді оператордың пайда болу ықтималдығына қатысты пікір білдірді, деп хабарлайды El.kz ақпарат агенттігі.

Вице-министрдің сөзінше, қазіргі уақытта аталған мәселеге қатысты нақты жоспар жоқ.

Мен тек осындай мүмкіндік бар екенін айттым. Бірақ бүгінде нарыққа төртінші мобильді операторды шығару бойынша ешқандай жоспар жоқ, – деді ол.

Осы орайда вице-министр неліктен басқа оператордың шықпайтынын да атап өтті.

Егер қазіргі үш оператор – Kcell, Beeline және Tele2/Altel нарықта тиімді бәсекелестік орната алса, қосымша оператор енгізудің қажеттілігі болмайды, – деп пікірін білдірді Асхат Оразбек.