Қазақстанда қазан айындағы инфляция 12,6%-ға дейін төмендеді

Ұлттық статистика бюросының деректеріне сәйкес, 2024 жылдың қазан айында жылдық инфляция деңгейі 12,6% болды, деп хабарлайды El.kz интернет порталы.

Азық-түлік бағасы

Азық-түлік өнімдерінің бағасы жылдық есеппен 13,5%-ға өскен. Қазан айында кейбір тауарлар арзандады:

• пияз – 7,7%,
• алма – 6,1%,
• қызылша – 5,1%,
• қырыққабат – 4,7%,
• сәбіз – 4,4%,
• қант – 2% төмендеді.

Ал шоколад (2,3%), кофе мен дәмдеуіштер (1,8%), құрма (1,6%) және жарма түрлері (0,7%) қымбаттады.

Азық-түлікке жатпайтын тауарлар

Отандық жаңа автокөліктердің бағасы 1,5%-ға арзандаған.
Бірақ:

• қолшатырлар – 4,2%,
• электр жылытқыштар – 2,5%,
• жуғыш заттар – 1%,
• киім мен аяқ киім – 0,8% өсті.

Қызмет көрсету саласы

Коммуналдық тарифтер төмендеді:

• суық су – 40%,
• газ – 10,7%,
• электр энергиясы – 2%-ға арзандады.

Ал қоғамдық тамақтану (2%), шаштараз және сұлулық салондары (1,5%), фитнес залдары (0,8%) бойынша баға көтерілген.

Жылдық динамика

2023 жылдың қазанымен салыстырғанда:

• күріш – 8,3%,
• кептірілген өрік – 5%,
• қызанақ – 1,4%-ға арзандаған.

Ал кептірілген жемістер мен жаңғақтар (2,9%), асүй жабдықтары (7%), электр бұрғылар (5,9%) және шамдар (5,2%) қымбаттаған.

Сонымен қатар, аяқ киім жөндеу (8,9%), тұрғын үйді күтіп ұстау (7,8%), бассейн және жаттығу залдарына абонементтер (10% және 8,8%) бағасы өскен.

Ұлттық статистика бюросы ай сайын 500-ден астам тауар мен қызмет бойынша тұтыну бағаларының индексін есептейді. Инфляция көрсеткіштерін және 2018 жылдан бергі деректерді ведомствоның ресми интерактивті дашбордынан көруге болады.