Қазақстанда қанша қонақүй бар

Бір жыл ішінде Қазақстандағы қонақүйлер саны 36 бірлікке артты, деп хабарлайды El.kz ақпарат агенттігі.

Ұлттық статистика бюросының мәліметінше, Қазақстанда қонақүйлер саны 2 237 бірлікке жетті, бұл былтырғы жылмен салыстырғанда 36 бірлікке артық. Ең көп қонақүй Алматы (232) және Астана (190) қалаларында, сондай-ақ Қарағанды облысында (139). Елордада бір жыл ішінде мейманхана саны 12 бірлікке өсті, ең жоғары кему Қостанай облысында тіркелді, онда қонақүйлер саны 11 бірлікке қысқарды.

2024 жылдың бірінші тоқсанында қонақүйлерде барлығы 1,4 млн келушіні қарсы алды, көрсетілген қызметтер көлемі 45 млрд теңгені құрады.

Былтырғы жылмен салыстырғанда жұлдызды категориясы бар қонақүйлер саны 6 бірлікке қысқарған. Бүгінде олардың саны 117 бірлікті құрап отыр:

5* – 25 бірл.
4* – 55 бірл.
3* – 31 бірл.
2* – 4 бірл.
1* – 2 бірл.

Бес жұлдызды қонақүйлер Қазақстанның 10 өңірінде орналасқан, бір адамға шаққандағы орташа төлем тәулігіне 55,5 мың теңгені құрайды.