Қазақстанда фонограммаға толық тыйым салынады

Қазақстанда фонограммаға толық тыйым салынады. Бұл туралы депутат Нартай Аралбайұлы мәлімдеді, деп хабарлайды El.kz ақпарат агенттігі.

Депутаттың айтуынша, "Қазақстанда фонограммаға толықтай тыйым салу" туралы ұсыныс жұмыс тобының ішінде бірауыздан қолдау тапқан.

Жұмыс тобында біздің, яки депутаттардың “Қазақстанда фонограммаға толықтай тыйым салу” туралы нормасы бір ауыздан қолдау тапты! Халық жанды дауысты, шын өнерді көруге, тыңдауға құқылы! Ағайынды алдауға болмайды!, – деді халық қалаулысы.

Бұл бастама отандық сахна мәдениетін жаңа деңгейге көтеріп, нағыз талант пен шынайы өнерді бағалайтын тыңдарманның талабын қанағаттандыруды көздейді. Жанды дауыста ән айту – әртістің кәсіби деңгейін көрсететін басты өлшемдердің бірі. Осы арқылы өнер саласындағы әділеттілік пен тыңдарман сенімін арттыруға жол ашылмақ.