Қазақстанда аяз күшейеді

Қазгидромет синоптиктері 16-18 қаңтарға арналған ауа райы болжамын ұсынды, деп хабарлайды El.kz ақпарат агенттігі.

Қазақстанның басым бөлігінде антициклон әсерінен аяз болады. Еліміздің батысы мен оңтүстік-шығысында қар жауады, боран болып, жел күшейеді.

Антициклон әсерінен Қазақстанның басым бөлігінде аяз болады. Ал елдің батысы мен оңтүстік-шығысында күн құбылмалы, қар аралас жаңбыр жауады, жел мен бұрқасын күшейеді. Аяз, әсіресе, солтүстікте, шығыста және орталықта, түнде 25-33 градусқа дейін аяз болса, күндіз 15-23, оңтүстікте және оңтүстік-шығыста түнде 5-15, күндіз 2-7 градусқа дейін жетеді, ал батыста түнде 8-18, күндіз 3-15 градусқа дейін суық болады, - делінген Қазгидромет берген ақпаратта.

Сондай-ақ синоптиктер ақпан айына арналған ауа райы болжамын ұсынды.