Қазақстанда 23 кен орны бойынша аукцион өтеді

Өнеркәсіп және құрылыс министрлігі биылғы 12 маусымда қатты пайдалы қазбалардың баланстық қорлары бар 23 кен орны бойынша аукцион өткізу туралы хабарлама жариялады, деп жазады El.kz ақпарат агенттігі.

Осыған байланысты, Жер қойнауын пайдалану департаментінің қызметкерлері әр сәрсенбі мен жұма сайын сағат 15:00-ден 17:00-ге дейін Астана қ., Қабанбай батыр даңғылы 32/1 мекенжайы бойынша «Transport tower» ғимаратының 1 қабатындағы инвесторларға арналған кабинетте аукцион өткізу шарттары бойынша түсіндіру жұмыстарын жүзеге асыратын болады.

Өтінімді d.otkulbaeva@mail.kz электрондық мекенжайға байланыс деректерін қоса отырып қалдыруға болады.