Қазақстан волейбол федерациясының президенті ауысты

Қазақстан волейбол федерациясының жаңа президенті сайланды, деп хабарлайды El.kz ақпарат агенттігі.

Федерацияның есептік-сайлау конференциясында 2028 жылға дейін федерация тізгінін ұстайтын адам анықталды. Негізі бұл сайлауға үш үміткер қатысты:

1. Амандық Баталов;
2. Мәди Такиев;
3. Бақытжан Байтөреев.

Сайлау нәтижесінде басым дауыспен қаржы министрі Мәди Такиев федерация президенті болып сайланды. 

Бұған дейін федерацияда 26 жыл бойы президент лауазымын атқарып келген 77 жастағы Нұртай Әбіқаев орнын босатты.