Қазақстан – Уэльс матчы: Астанада кептеліс болады

Астанада футболдан 2026 жылғы әлем чемпионатының іріктеу матчы өтетін уақытта «Астана Арена» стадионының маңында көлік қозғалысы уақытша шектеледі, деп хабарлайды El.kz интернет порталы.

Қалалық әкімдік мәліметінше, 4 қыркүйек күні сағат 19:00-де «Астана Арена» стадионында Қазақстан мен Уэльс құрамалары кездеседі.

Қонақтардың жайлылығы мен матч кезінде қауіпсіздікті қамтамасыз ету үшін көлік қозғалысына шектеу енгізіледі. Шектеу «Алау» мұз айдыны сарайы мен «Сарыарқа» велотрегінің жағынан «Астана Арена» маңында қойылады, – делінген хабарламада.

Қозғалысқа шектеулер матч басталғанға дейін бірнеше сағат бұрын енгізіліп, оның соңына дейін сақталады.