Қазақстан теннисшілері Аустралиядағы жарыстың жартылай финалына шықты

Теннистен Қазақстан ұлттық құрамасы Аустралияда өтіп жатқан United Cup турнирінің жартылай финалына шықты, деп хабарлайды El.kz ақпарат агенттігі. 

Отандастарымыз ширек финалда Германия құрамасын 2:0 есебімен ұтты. Өткен жылы дәл осы құрама турнир чемпионы болған. 

Бірінші ойында Елена Рыбакина Лаура Зигемундпен кездесіп, 6:3 және 6:1 есебімен айқын жеңіске жетті. Осылайша Рыбакина жаңа маусымдағы үш ойынында да жеңіске жетті.

Ал Александр Шевченко Даниэль Мазурдан айласын асырып, 6:7(5), 6:2, 6:2 есебімен жеңіске жетті.

Турнир Аустралияның Перт қаласында өтіп жатыр. Жартылай финалдағы ойын Сиднейде өтеді. 

United Cup турнирінің жүлде қоры 11 170 000 АҚШ долларын құрайды. Теннисшілер жекелей және командалық жеңісі мен қатысқаны үшін сыйақы алады.