Қазақстан мен Жапония арасында тікелей әуе рейстері қашан ашылады

Қазақстан мен Жапония арасында әуе қатынасын қалпына келтіру мәселелері талқыланды, деп хабарлайды El.kz ақпарат агенттігі.

Көлік министрлігі Азаматтық авиация комитетінің төрағасы Салтанат Томпиеваның Жапонияның Қазақстан Республикасындағы төтенше және өкілетті елшісі Ямада Джун мырзамен кездесуі өтті.

Кездесу барысында тараптар Қазақстан мен Жапония арасындағы әуе қатынасын қалпына келтіру мәселесін талқылады.

Салтанат Томпиева қазақстандық әуе компаниялар 2025 жылдың бірінші жартысында екі ел арасында тікелей әуе қатынасын ашу мүмкіндігін қарастырып жатқанын хабарлады. Ямада мырза өз кезегінде бұл мәселеде жан-жақты қолдау көрсетуге дайын екенін хабарлады, - делінген Азаматтық авиация комитеті таратқан мәліметте.  

Кездесу қорытындысы бойынша тараптар елдер арасындағы экономикалық, іскерлік және мәдени ынтымақтастықты кеңейту үшін әуе қатынасын қалпына келтіру бойынша бірлескен жұмысты жалғастыруға келісті.