Қазақстан мен Қырғызстан шекарасында электронды кезек жүйесі енгізіледi

Қазақстан мен Қырғызстан шекарасында электронды кезек жүйесі енгізіледі, деп хабарлайды El.kz ақпарат агенттігі.

Қаржы министрлігі «Автомобиль көлігі құралдарын, жүктер мен тауарларды Қазақстан Республикасының мемлекеттік шекарасы арқылы, оның ішінде ақылы негізде электрондық кезек жүйесін пайдалана отырып өткізу қағидаларын бекіту туралы» қағидаларға өзгерту енгізу туралы бұйрық жобасын әзірледі.

Жоба Қырғыз Республикасымен шекарадағы автомобиль өткізу пункттерінде электрондық кезек жүйесін кеңейтуді көздейді.

Цифрландыру Алматы облысында Кеген, Жамбыл облысында Айша бибі, Ауқатты, Қарасу, Қордай, Сарытөбе, Сыпатай батыр өткізу пунктеріне енгізу жоспарланған.

Бұйрық жобасы 23 желтоқсанға дейін «Ашық НҚА» порталында қоғамдық талқыға ұсынылды.