Қазақстан хоккейшілері Ресей және Беларусь командаларымен кездеседі

Шайбалы хоккейден ерлер ұлттық құрамасы 1-3 мамыр аралығында 1XBET Qazaqstan Hockey Open турнирінде Ресей және Беларусь командаларымен күш сынасады, деп хабарлайды El.kz ақпарат агенттігі.

Астана төрінде жаһандық доданың алдындағы оқу-жаттығу жиындарын өткізгенннен кейін шайба шеберлері Данияға жол тартады.

Жетістік - тыныштықты қалайды дейді ғой. Сондықтан әлем чемпионаты алдында сәуегейлік танытқым келмейді. Ең минимальді міндетіміз - жоғарғы дивизионда қалу. Бірақ әр ойында аянып қалмаймыз. Жігіттеріміз «Барыстағы» сәтсіздігінің орнын толтыруға тырысуға тас-түйін дайын, - деді бас бапкер Олег Болякин.

Бояркин мен Шутовтың жарақатын атай келе бас бапкер қай қақпашыға сенім артатынын жеткізді.

Үш қақпашымыз бар. Дәл қазіргі сәтте Никита Кудрявцевтің («Арлан») ойын тәжірибесі көп. Алдағы шешуші матчтарда кімнің мықты екенін анықтайтын боламыз, - деді ол.