Қазақстан Халық партиясы Мәжіліске 52 кандидат тіркеді

ҚХП Мәжіліске ОСК-ға кандидаттардың тізімін өткізді, деп хабарлайды El.kz ақпараттық агенттігі. 

ҚХП төрағасы Ермұхамет Ертісбаев "біздің мақсатымыз жеңіске жету" деді. Айтуынша, халық партиясынан басқа партияға кетіп жатқандар бар. 

"Партиядан төрт адам кетті. Бірі "Байтақ" жасылдар партиясына барды", — деді ол. 

Төраға партия құрамынан кеткендерді сынға алып, тіпті сатқынға теңеді. 

ҚХП төрағасының орынбасары Серікқали Мұқашев ОСК Мәжіліске 52 кандидаттың тізімі берілгенін атап өтті. 

"Мәжіліске 52 адам өтпек. Бұл жерде 52 адамның бәрінің квотасы сақталған. Олардың 32,6 пайызы жастар, әйелдер мен мүмкіндігі шектеулі азаматтардан құралған. Барлық өңірлер қамтылды. Бәрінің талабы ескерілді", — деді ол. 

Ал мәслихат бойынша тізім әлі жасақталу үстінде.