Қазақстан халқының саны туралы мәлімет жаңарды

1 мамырдағы жағдай бойынша Қазақстан халқының саны 20 353 265 адамды құрады, деп хабарлайды El.kz  интернет порталы.

Жыл басынан бері халықтың жалпы өсімі 69,8 мың адам болды. Оның ішінде табиғи өсім есебінен – 63,4 мың адамға, көші-қон есебінен – 6,3 мың адамға.

Халық санының ең жоғары өсу қарқыны елордада байқалды. Астана халқының саны көші-қон ағындары есебінен артып келеді. Мәселен, елорда тұрғындарының саны жыл басынан бері 29,7 мың адамға өсті, оның 78,3%-ы көші-қон есебінен.

Оқи отырыңыздар:

• Қазақстанда 1 маусымнан бастап не өзгереді
• Енді қатерлі ісікпен ауыратындардың өмірі екі есе ұзарады

Айта кетейік, жыл басынан бері көші-қонның оң сальдосы 5 өңірде – Алматы және Маңғыстау облыстарында, сондай-ақ республикалық маңызы бар қалаларда – Астана, Алматы және Шымкентте байқалды.