Қазақстан бір жылда 46 млн долларға гүл импорттады

2022 жылы елімізде кесілген гүлдер мен бүршіктердің саудасы 48,8 миллион долларды құрады. Бұл 2021 жылмен салыстырғанда 9,7%-ға жоғары. Бұл туралы Сауда және интеграция министрлігі мәлім етті, деп хабарлайды El.kz ақпараттық агенттігі.

Қазақстаннан гүл экспорты 2022 жылы 10,1% өсіп, 2,7 млн АҚШ доллары болды.

Сондай-ақ, Қазақстан гүлдердің келесі эдей түрлерін экспорттайды:

• раушан –2,2 млн АҚШ доллары (үлесі 80,6%)
• гүл шоқтарын қалдыруға немесе сәндік мақсаттар үшін жарамды басқа да жаңа гүлдер мен бүршіктер – 220,2 мың АҚШ доллары (8,2%)
• хризантема – 169,4 мың АҚШ доллары (6,3%)
• қалампыр – 111,8 мың АҚШ доллары (4,2%)
• лалагүл – 10,4 мың АҚШ доллары (0,4%)
• орхидеялар – 8,6 мың АҚШ доллары (0,3%)
• басқа кесілген гүлдер мен бүршіктер – 760 АҚШ доллары (0,03%),
• ранункул – 331,2 АҚШ доллары (0,01%)
• гладиоли – 1 110 АҚШ доллары (0,004%).

Сондай-ақ, Қазақстанға гүл импорты 2022 жылы 9,7% өсті (46,1 млн АҚШ доллары).

Жалпы Қазақстан гүл импорты төмендегідей:

• раушан – 30 млн АҚШ доллары (65,2% үлесімен)
• хризантема – 6,2 млн АҚШ доллары (13,5%)
• гүл шоқтарын жасауға немесе сәндік мақсаттар үшін жарамды басқа да жаңа гүлдер мен бүршіктер – 5,8 млн АҚШ доллары (12,6%)
• басқа кесілген гүлдер мен бүршіктер – 1,4 млн АҚШ доллары (3,1%)
• лалагүлдер – 1,2 млн АҚШ доллары (2,7%)
• қалампыр – 1 млн АҚШ доллары (2,3%)
• орхидея – 241,3 мың АҚШ доллары (0,5%)
• ранункул – 79,2 мың АҚШ доллары (0,2%)
• гладиоли – 7,9 мың АҚШ доллары (0,02%).