Qazaq Air пилоттары еңбек жағдайын жақсартуды талап етті

Qazaq Air әуе компаниясының пилоттары компания басшылығына үндеу жасады, деп хабарлайды El.kz интернет порталы Көлік министрлігіне сілтеме жасап.

Мәлімдемеде қойылған негізгі талаптар:

• түнгі рейстер үшін төлем жүйесін қайта қарау,
• командирлердің жалақысын көтеру,
• екінші пилоттардың жалақысын көтеру,
• барлық пилоттар үшін төлемді арттыру.

Қазақстан Республикасының Көлік министрлігі әуе компаниясынан бұл мәлімдемені елдің қолданыстағы заңнамасына сәйкес қарауды талап етеді, - делінген ведомство таратқан хабарламада.

Көлік министрлігі ұсынған мәліметке сәйкес, Qazaq Air әуе компаниясының 49 %- ы Sovico тобына, тағы 49% -ы Самұрық Қазынаға, ал 2%-ы Kazasia Holding Limited компаниясына тиесілі.