Қайрат Сәтжанов отандық бокстағы проблемаларды атады

Бокстан Қазақстан құрамасының жаңа бас бапкері Қайрат Сәтжанов бас команданың жаттықтырудың жауапкершілігі үлкен екенін айтты, деп хабарлайды федерацияның баспасөз қызметіне  сілтеме жасаған El.kz ақпарат агенттігі.

Бүгінде Қазақстан боксында бірқатар проблема бар. Мұның бәрін Париж Олимпиадасынан кейін көрдік. Бұл ең бірінші кезекті жаттығу жоспарының дұрыс құрылмауы, командалармен оқу-жаттығу жиындарының өтпеу себебі.

Алға қойған жоспарларымыз өте үлкен. Бірінші кезекті кіші жасөспірімдер, жастар және ұлттық құрамаға бірдей көңіл бөлу. Содан соң Қазақстанда  өтетін жарыстардың әділ болуына мән беріп, жаттығу жиындарын бір жүйеге келтіру, - деді Сәтжанов. 

Айта кетелік, Париж Олимпиадасынан соң бұрынғы бас бапкер Мырзағали Айтжанов қызметінен кетіп, орнына Қайрат Сәтжанов келді.