Қайрат Сатыбалды жазасын өтеп жатқан колонияда төбелес болды

Экс-президент Нұрсұлтан Назарбаевтың немере інісі Қайрат Сатыбалды жазасын өтеп жатқан колонияда төбелес болып, 4 адам жарақат алды, деп хабарлайды El.kz ақпарат агенттігі.

14 шілдеде ШҚО бойынша ҚАЖД №22 мекемесінде әкімшілік қызметкерлері тұрмыстық негізде туындаған төбелесті тоқтатты. Факт ақпаратты есепке алу кітабында тіркелген, жедел-тергеу тобы шақырылған. Қызметтік тергеу жүргізілуде. Жанжал барысында төрт сотталушы жеңіл жарақат алды, зардап шеккендерге қажетті медициналық көмек көрсетілді, - деп хабарлады  Қылмыстық-атқару жүйесі комитетінің баспасөз қызметі.

Қазіргі уақытта жанжал шығарғандар тәртіптік жауапкершілікке тартылып, изоляторға қамалды.

Оқи отырыңыз:

• Қымыз ішіп, көлік айдаған адам жазалана ма? Заңгер жауап берді
• Қарағандыда сотталған азамат медициналық мекемеден қашып кетті

Аталған колонияда Қайрат Сатыбалды жазасын өтеп жатыр. Әлеуметтік желіде оқиғаның куәгерлері де пышақ жарақатын алды деген хабарламалар тарады.

Қайрат Сатыбалдының бұл жанжалға қатысы жоқ, - деп мәлім етті комитет.

Айта кетейік, Қайрат Сатыбалды 6 жылға сотталған еді. Ол жазасын қауіпсіздігі орташа мекемеде өтеп жатыр.