«Қайрат» пен «Реал» матчын пәтердегі балконнан тамашалау 120 мың теңгеден басталады

Алматыда терезесі стадионға қараған үйлер қымбатқа жалға беріліп жатыр. Бұл туралы Qazaqstan телеарнасына сілтеме жасай отырып El.kz интернет порталы хабарлайды.

Алматыда «Қайрат» пен «Реалдың» ойыны қарсаңында орталық стадионға қараған пәтерлер қымбат бағамен жалға ұсыныла бастады.

Билетке қол жеткізе алмағандар матчты терезеден тамашалай алады. Ал кейбір үйлердің шатырындағы орындар 120 мың теңгеге дейін сатылып жатыр.

Айта кетейік, тарихи матч 30 қыркүйекте Алматыдағы Орталық стадионда өтеді. Кездесудің билеттері 30 мың теңгеден басталып, 250 мыңға дейін жеткен. Алайда билеттер бірнеше сағаттың ішінде түгел сатылып кетті.

«Корольдік» клуб ойыншылары 29 қыркүйекке ауған түні Алматыға келді.