Орталықтың мәліметінше, «QMDB Halal» куәлігі халал өнімдерінің халықаралық нарығына жол ашады. 50-ден астам тәжірибелі маманнан құралған команда өндіріске халал стандарттарын енгізеді. ҚМДБ-ның Халал сертификаты бір жылға беріледі. Соған сай мерзімі өткен соң, қайта тексерістеп өтіп, жаңартуға болады. Сертификат алумен мәселе шешілмейді, ай сайын бақылаушы-инспекторлар   кәсіпорынды тексереді. ҚМДБ қызметкерлері ескертпей-ақ келіп, тексеріп кетеді. 

Халал сертификатты қалай аламыз?

Кәсіпкер «Халал Даму» ЖШС директорының атына өтініш толтырып, жібереді

Орталық пен кәсіпорын өзара келіскен соң, арнайы келісімшарт жасалып, сарапшылар комиссиясы өндіріспен танысып, шариғат талаптарына сай-жоғын тексереді. Өнімнің құрамын анықтап, ішінде доңыз ДНҚ-сы болмауы қадағаланады. Осылайша, сарапшы комиссия қорытынды шығарып, қорытынды дайындайды. Кәсіпорынды бұдан ары қарай да тұрақты тексеруші үшін бақылаушы бекітіледі. Ак жасалып, артынша сертификат табысталады. 

Сонымен, Астана мен өзге де қаладағы халал сертификаты бар жеңіл тағам, яғни фаст-фуд сататын  дәмхана тізімін ұсынамыз:                                                                                  

• «The Doner на углях» – Астанадағы 6 филиалда халал сертификат жарамды.
• «Okadzaki» – Алматы қаласындағы – 17, Астана қаласындағы 16 филиалында халал сертификат бар.  
• «Doner Na Abaya» – Атырау, Ақтау, Талдықорғандағы нүктесінде сертификат жарамды.
• «Bahandi»  – Алматы – 47 нүктеде, Шымкент – 8 нүктеде, Қарағанды – 5 нүктеде, Астанада –13 нүктеде,. Ақтауда –2 нүктеде, Таразда – 1, Атырауда – 2, Өскемен – 1, Көкшетау – 1, Жаркентте 1 филиалда халал сертификат бар.
• «Salam bro» –  Алматыда – 40, Шымкентте – 6, Жамбыл облысында екі, Атырауда бір филиалда сертификат жарамды. 
• «Шашлычок»  – Астана қаласындағы 9 нүктеде халал сертификат бар. 
•  «Шаверма» – Астанада – 14, Қарғандыда – 1, Рудныйда  1 филиалында сертификат жарамды.
•  «Nanduk» – еліміздің 5 қаласында 12 филиалы бар. Соның тек екеуінде (Астана  сертификат жарамды. 
• «Burger na Abaya» – Астана қаласында – 5, Алматыда 1 филиалда халал сертификат бар. 
• «Bauyrdaq» – Астана – 5, Өскемен қаласында – 2, Қарағанды – 2, Семейде – 1, Орал – 1 нүктесінде сертификат жарамды.
• «Wok Lagman» – Астана қаласындағы үш филиалында да халал сертификат бар. 
• «Wok point» – Ақтөбе мен Астана қаласындағы филиалда сертификат жарамды. 
• «Mangal doner» – Алматыдағы –39 нүктеде, Астанадағы 6 нүктесінде халал сертификат бар.
• «Sushi Luxе» – Павлодар қаласындағы екі филиалда  серитификат жарамды. 
• «CHEFSTAR» –Таразда – 3, Шымкентегі 1 филиалда халал сертификат бар.
• «Doner Club» – Астана –1, Қарағандыда бір филиалда сертификат жарамды.
• «Dop doner»– Астанадағы филиалда халал сертификат бар.
• «Dam Burger»– Астанада екі филалда сертификат жарамды. 

Сертификаттың жарамдылық мерзімі өтіп кеткен: 

•  Shaurma Food (SF) –тек Көкшетау қаласындағы нүктеден халал ас ішесіз, қалған филиалдағы халал сертификаттың мерзімі өтіп кеткен. 
•  «Lanzhou» – Алматыдағы 25, Қаскелеңдегі – 1, Павлодар, Қарағанды, Ақтау, Певтропавл, Ақтөбе, Орал, Астанадағы – 8, Семейдегі – 2,  Тараздағы – 2,  Өскемендегі – 2, Шымкент– 1, Көкшетау– 1, Қызылордадағы 1 филиалда халал сертификаттың жарамдылық мерзімі өтіп кеткен.

Өнімді сайттан қалай тексереміз?

Тұтынушы ретінде өнімді тексеріп, халал сертификат бар-жоғын анықтаудың жолы бар. Мысалы, halaldamu.kz сайтына кіріп, «кәсіпорындар» батырмасын басасыз. Ары қарай  «іздеу» жүйесіне тауардың атын жазып, тексересіз.

 Суретте көрсетілгендей, «өңір», «куәлік статусы», «категориялар», «сертификатталған уақыт»,  «бақылаушы» және тағы басқа сұрыптау белгісі арқылы қалаған өнім туралы мәлімет аласыз. Кейін дүкенге барғанда қиналмай, халал өнімді оңай таңдайсыз. Көбінесе, халал сертификаты бар өнімде ҚМДБ белгісі таңбаланады. Сонда да тағы бір рет көз жеткізем десеңіз, сайтты бір шолып шығу артық етпейді.