Қасым-Жомарт Тоқаев Шавкат Мирзиёевпен кездесті

Мемлекет басшысы Өзбекстан Президенті Шавкат Мирзиёевпен кездесті, деп хабарлайды El.kz ақпарат агенттігі Ақордаға сілтеме жасап. 

Кездесуде Қасым-Жомарт Тоқаев «Орталық Азия – Еуропа Одағы» саммитіне ерекше мән беретінін жеткізіп, сонымен қатар, аталған жиын аймақ елдерінің Еуропа Одағымен диалогын ілгерілетуге ықпал ететініне сенім білдірді.

Мемлекеттер басшылары Алматыдағы бейресми кездесудің нәтижелі болғанына назар аударып, Қазақстан мен Өзбекстан ынтымақтастығы қарқынды дамып келе жатқанын атап өтті. Екіжақты байланыстардың барлық бағыты бойынша өзара тиімді серіктестік аясын кеңейту ниетін растады.