Қаскелең қоймасындағы алапат өрт сөндірілді

Алматы облысы Қаскелең қаласындағы құрылыс дүкенінің қоймасы жанды. Өрт 500 шаршы метр аумақты шарпыған, деп хабарлайды El.kz ақпарат агенттігі.

Бүгін 14 қаңтар сағат 15.44-те төтеншеліктерге қоймадағы өрт туралы шақырту келіп түскен. Оқиға орнында өрт сөндіру жедел штабы ұйымдастырылды. Жақын орналасқан тұрғын үйлерді оттан қорғау және өртті сөндіру үшін су оқпандары берілді. Отты сөндіруге 48 қызметкер жұмылдырылды. 

Қатты түтін мен көптеген жанғыш материалдардан туындаған үлкен өрт қызыл жалынды сөндіруді қиындатқан. Өрт сағат 18.23-те сөндірілді.

Зардап шеккендер жоқ.