Қаржаубай Нұрымов: Балаң денсаулығын қойып берсін деп айтты

Талғар қаласының іргесіндегі Азат ауылында қайтыс болған Шерзат Болаттың әкесі Қаржаубай Нұрымов сот отырысында қатысушылардың сұрақтарына жауап берді, деп хабарлайды El.kz ақпарат агенттігі.

Ол сот отырысында қайғылы оқиға болған күні қақтығыстың неден болғанын егжей-тегжейлі айтып берді. Оның сөзінше, Дархан Әскентай өзінің кешірім сұрағанын елеместен өз жақтастарын дүкенге шақырған.  

Сауда жасау барысында Дархан екеуміздің арамызда ешқандай қақтығыс болған жоқ. Тек қайта келіп телефонын қуаттауға қоятын кезде дөрекі сөйлесті. Оны балам естіп отырған еді. Дархан сыртқа шыққанда ерегіс басталды да, балам Дарханды ұрып жіберді. Мен де сыртқа шығым, Шерзатты тыныштандырып, Дарханнан кешірім сұрадым. Ал ол кешірмейтінін айтып, «балаң денсаулығын қойып тастайды, жауап береді» деді де таныстарына хабарласа бастады. Мен оған жігіттерді шақырмай-ақ қой, бала әлі кішкентай, 16 жаста ғана.  Дөрекі сөйлемесең мұндай жағдай болмас еді ғой. Бәрін өзіміз шешейік деп сабырға шақырдым, – деді Шерзаттың әкесі.

Қаржаубайдың айтуынша, Дархан Әскентайдың жақтастары келгенде баласын қорғау үшін достарына оны өзім ұрдым деп айтқан.