Қарттардың сауаттылығын арттыратын "Киберапашка" пайда болды

Цифрлық даму, инновациялар және аэроғарыш өнеркәсібі министрлігі қазақстандықтарға, соның ішінде қарттарға алаяқтардан қорғанудың жолын көрсететін ерекше жобаны ұсынды, деп хабарлайды El.kz ақпарат агенттігі.

Министрліктің Ақпараттық қауіпсіздік комитеті QazCloud және Blue Screen компанияларымен бірлесе отырып, кибер гигиена бойынша оқыту видеороликті желі парақшасында жариялады. 

 "Киберапашка" деп аталатын жобаның мақсаты - егде жастағы адамдар мен жалпы халық арасында киберсауаттылықты арттыру, әр адамның интернетті қауіпсіз пайдалануына және деректерін цифрлық әлемде қорғауына көмектесу.