Қарақат Әбден “Ауыл” партиясы атынан Мәжіліс сайлауына түседі

Қарақат Әбден “Ауыл” партиясы атынан Мәжіліс сайлауына түседі, деп хабарлайды El.kz ақпараттық агенттігі.

Бұл туралы “Ауыл” халықтық-демократиялық патриоттық партиясы орынбасары Анас Баққожаев айтты. Оның айтуынша, Қарақат Әбден жыл басында партия мүшелігіне өткен. 

Сондай-ақ Анас Баққожаев ОСК-ға ұсынған партия тізімінде қоғамның түрлі саласының өкілдері бар, бірақ көпшілігі ауыл шаруашылығы өкілдері екенін айтты.

“Біздің ұсынған 25 адам. Бір мандаттық жүйе бойынша 9 адам бар, жалпы 34. Олар 42 саланың өкілдері. Негізгі 40-50%-ы нағыз еңбек адамы, өндірісте жүрген кәсіпкерлер. Білім саласы, спорт саласы, медицина саласынан да бар”,- деді Анас Баққожаев.