Қарағандыда туристерге арналған ақпараттық орталық ашылады

"Визит Қарағанды" туристік ақпараттық орталығы облыста туризмді дамыту үшін кәсіпкерлік басқармасы жанынан құрылған, деп хабарлайды El.kz ақпарат агенттігі.

Мұнда өңірдің табиғи, мәдени және тарихи көрікті жерлері, сондай-ақ жергілікті операторлар ұсынатын турмаршруттар мен қызметтер туралы мәліметтер алуға болады. Демалушыларға қайда тұру, не көру, қайда бару керектігі туралы айтып береді. Облыстың саяхат үшін тартымдылығын көрсету, жаңа бағыттар ашу үшін туристік орындардың жол көрсеткіш, карта-схемаларын әзірлеу және дайындау жоспарланған. Сапар орталығы тек келушілер үшін ғана емес, жергілікті тұрғындар үшін де қызықты болады. Сондай-ақ, туризм саласында жұмыс істейтіндерге.

Туристік ақпараттық орталық келу туризмін дамыту үшін қолайлы жағдайлар жасауға, сервисті жақсартуға, сондай-ақ кешенді туристік өнімдерді, жаңа туристік аумақтарды дамыту бағдарламалары мен тұжырымдамаларын жасауға жәрдемдесуі тиіс. Орталықтың директоры болып Бақтиар Бекмырзаев тағайындалды. Ол Шанхайда, Сараево, Рас-әл-Хаймада туризмді дамыту және инвесторларды тарту бойынша шетелдік тағылымдамадан өткен.

«VISIT QARAGANDA» ТАО Қарағанды облысының Мемлекеттік және сервистік қызметтер орталығында Тәттімбет көшесі, 709 мекенжайы бойынша орналасады. VISIT QARAGANDA туристік ақпараттық орталығы Қарағанды облысында туризмді дамыту үшін кәсіпкерлік басқармасы жанынан құрылған. Мұнда өңірдің табиғи, мәдени және тарихи көрікті жерлері, сондай-ақ жергілікті операторлар ұсынатын турмаршруттар мен қызметтер туралы мәліметтер алуға болады. Демалушыларға қайда тұру, не көру, қайда бару керектігі туралы айтып береді.