Қарағандыда электриктер мен дәнекерлеушілерді даярлайтын жаңа оқу орталығы ашылды

Қарағандыда Өңірлік кәсіпкерлер палатасының қолдауымен жаңа оқу орталығы ашылды, онда жеделдетілген курстарда электриктер мен дәнекерлеушілер дайындалады.

Ол осындай мамандарға қызығушылық танытқан «Жилкомхоз-2030» кәсіпорнының базасында ашылды. Оқыту тегін.

Бірінші топқа 20 адам жиналды. Көптеген тыңдаушылар Мансап орталығында жаңа мамандық алу мүмкіндігі туралы білді.

Мен жаңа мамандық алғым келді. Мансап орталығына хабарласып едім, мұнда электрикке оқуды ұсынды. Құжаттарды тез рәсімдедім. Оқу форматы ұнайды. Оқытушылар бәрін түсінікті түрде түсіндіреді, – деп бөлісті тыңдаушы Дмитрий Дятчин.

Оқу орталығының басшысы Бөлтірік Жаубасовтың айтуынша, Кәсіпкерлер палатасының қолдауынсыз бұл жобаны жүзеге асыру қиын болар еді. Оқыту бағдарламаларын әзірлеуге және тіркеуден өтуге көмек көрсетілді.

Болашақта басқа да мамандықтарды оқыту жоспарланып отыр. Тыңдаушылар сертификаттар алып, жұмысқа орналаса алады.