Қарағанды шахтасында 4 адам іздестіріліп жатыр

Нақтыланған ақпараттар бойынша, бүгін өрт болған «Қазақстан» көмір шахтасынан бұған дейін хабарланғандай екі адамның емес бір адамның денесі шығарылды, деп хабарлайды  El.kz ақпарат агенттігі.

Бұл туралы «АрселорМиттал Темиртау» АҚ-ның атқарушы директоры Виктор Гафиулов мәлімет берді.

Осы уақытта тағы 4 адам іздестіріліп жатыр.

Айта кетейік, бүгін, 17 тамыз күні сағат 10:05-те «Қазақстан» шахтасында Д6 көмір еңісін игеру барысында конвейерлік таспа өртенді. Апатты жою жоспары енгізілді.

Шахтада 227 адам болған, олардың 182-сі эвакуацияланып, 45 адам шахтада қалып қойды.

Кейінірек 222 адамның эвакуацияланғаны хабарланды. Қауіпсіз жерге шығарылған 13 адам бас ауруы мен жөтелге шағынданған. Ал 5 адамның тағдыры белгісіз еді.

Кейінірек хабарсыз кеткен екі кеншінің табылғаны белгілі болды.