Басты
Жаңалықтар
Оқиға
Қарағанды облысында жаңа өрт сөндіру бекеті ашылды

Қарағанды облысында жаңа өрт сөндіру бекеті ашылды

Жансая Тәуекелқызы
Фото: Қарағанды облысының әкімдігі
Қарағанды облысында өрт қауіпсіздігін күшейту мақсатында Нұра ауданына  Ахмет ауылында өрт сөндіру бекеті ашылды, деп хабарлайды El.kz интернет порталы.
 
Енді мұнда төрт құтқарушы тәулік бойы кезекшілік қызметін атқарады. Қызметкерлер үшін диспетчерлік бөлме мен демалыс орны қарастырылған. Бүгінде Ахмет ауылындағы бекет бір ғана елді мекенді қамтығалы отыр. Ал елді мекенде 1320 адам тұрады.

Соңғы жылдары «Ауыл құтқарушылары» департаменттік бағдарламасы аясында облыста 58 өрт сөндіру бекеті ашылды. Олар 126 елді мекенге қызмет көрсетеді, онда барлығы 65 959 тұрғын тұрады. Бағдарлама ауылдық жерлердегі өрт қауіпсіздігін арттыруға бағытталған. Жақында осы бағдарлама бойынша ауылдық округтерге 12 жаңа өрт сөндіру техникасы берілді, олар ерікті өрт сөндіру құрамдарына көмек көрсетуге арналған.

Аймақта өрт сөндіру мен төтенше жағдайлардың салдарын жоюда еріктілерді дайындау мен оқытуға ерекше көңіл бөлінеді. Бұл нысандар заманауи техникамен жабдықталған: автоцистерналар, мотопомпалар, «Ермак» қондырғылары, жағалаулық өрт сөндіргіш помпалар және басқа да құралдар бар.

Қарағанды облысының ауылдық жерлеріндегі жаңа өрт сөндіру бекеттері «Ауыл құтқарушылары» бағдарламасы бойынша 2027 жылға дейін ашылады.

Қарағанды облысы өрт сөндіру
Қысқа да нұсқа. Жазылыңыз telegram - ға

Оқи отырыңыз

{