Басты
Жаңалықтар
Қарағанды облысында кокс шығаратын зауыт іске қосылды

Қарағанды облысында кокс шығаратын зауыт іске қосылды

Берік Арманов
Фото: gov.kz

Өнеркәсіп және құрылыс министрі Қанат Шарлапаев арнайы кокс шығаратын жаңа зауыт жұмысының басталуына пәрмен берді, деп хабарлайды El.kz ақпарат агенттігі.

Зауыт Қарағанды ​​облысындағы «Шұбаркөл Көмір» АҚ, «Шұбаркөл» разрезінің аумағында орналасқан. Бұл жоба Мемлекет басшысы Қасым-Жомарт Тоқаев айрықша назар аударған импортты алмастыру мемлекеттік бағдарламасына ERG-дің қосқан үлесі болып табылады.

Жаңа кәсіпорында 184 жаңа жұмыс орны ашылды. Өндірістік қуаттылығы - жылына 400 мың тонна арнайы кокс.

«Негізгі өнімдерімізден басқа, біз жылына 70 000 т көлеміндегі көмір шайыры мен көмір майын өндіруді жоспарлап отырмыз. Өндіріс шикізаты ретінде Шұбаркөл разрезінің Д маркалы көмірі пайдаланылатын болады», - дейді «Шұбаркөл көмір» АҚ бас директоры Сергей Ким.

Айта кетерлігі, жоба бүгін елордада өткен «Қазқамту 2.0» халықаралық форумы аясында ресми түрде қосылды.

зауыт Қарағанды облысы Өндіріс
Қысқа да нұсқа. Жазылыңыз telegram - ға

Оқи отырыңыз

{