Қарағанды облысында екі баланың денесі табылды: күдікті ретінде анасы ұсталған

Қарағанды облысында өлтірілген екі сәбидің денесі табылды, деп хабарлайды El.kz ақпарат агенттігі

4 сәуір күні Қарағанды облысының Бұхар Жырау ауданындағы елді мекендердің бірінде 2-4 жасар балалардың денесі табылды.

Екеуінің де денесінен зорлық-зомбылық белгілері анықталған. Бұл іс бойынша сотқа дейінгі тергеу басталды.

Қылмыс жасады деген күдікпен олардың анасы ұсталды. Әйел уақытша ұстау изоляторына қамалды. Тиісті сараптамалар тағайындалды. іс Қарағанды облысы Полиция департаментінің басшысының тікелей назарында, - деп хабарлады полиция.