Қарағанды облысында ауыл имамы 1 млн теңгесін алаяқтарға аударып жіберген

Қарағанды облысына қарасты Нұра ауданының ауылдарының біріндегі имам Ресейден дәрі сатып аламын деп сан соғып қалған, деп хабарлайды El.kz ақпарат агенттігі.

Ауылдағы дін қызметкері алаяқтарға қалай 1 млн теңге аударып жіберген. Бұл туралы Қарағанды облыстық ПД-нің баспасөз қызметі мәлімдеді. 

2024 жылдың қазан айында Қарағанды облысы Нұра ауданына қарасты ауылдардың біріндегі мешіт имамы алаяқтардың құрбаны болды. Қаскөйлер жәбірленушіні ресейлік фармацевтикалық компаниядан дәрі-дәрмекке тапсырыс бергені үшін өтемақы алуға болатынына сендірген. Сөйтіп, имам 20 күн ішінде олардың шотына 1 миллион теңгеден астам қаражатты өз еркімен аударған. Алаяқтардың алдауына түскенін түсінген соң, 2025 жылдың 13 қаңтарында полицияға жүгінген, - деп хабарлайды Қарағанды облысының полиция департаментінің баспасөз қызметі. 

Қазіргі уақытта аталған дерек бойынша қылмыстық іс қозғалып, сотқа дейінгі тергеу амалдары жалғасып жатыр.