Қапшағайда желді күні су айдынына шыққан алты адам аман қалды

Қапшағай су қоймасында қатты жел кезінде судағы қауіпті жағдайда болған төрт адам сәтті құтқарылды, деп хабарлайды El.kz интернет порталы. 

Оқыс жағдай кезінде құтқарылғандардың арасында үш ер адам және бір әйел бар. Сондай-ақ, «Скала» демалыс аймағынан үрмелі баллонмен аралға жүзіп барған екі ер адам жағаға жеткізілді. Күшті жел көтерілген кезде баллондарды ағыс алып кеткен, сол себепті олар аралдан кері қайта алмай қалған.

Құтқарушылардың жедел және үйлесімді әрекетінің арқасында қайғылы жағдайдың алдын алуға мүмкіндік туды. ТЖМ осы орайда суға шыққан кезде қауіпсіздік шараларын сақтап, құтқару желетін кию қажеттігін ескертеді. Бұдан бөлек, ауа райы тұрақсыз болған жағдайда аса мұқият болу да аса маңызды.