Басты
Жаңалықтар
Қаныш Сәтбаевтың жиен немересі дүниеден өтті

Қаныш Сәтбаевтың жиен немересі дүниеден өтті

Ақмарал Ағзамқызы
Фото: facebook.com/sayasat
Қаныш Сәтбаевтың жиен не­мересі, Ханиса Сәт­баеваның перзенті Әлима Жармағамбетова өмірден өтті, деп хабарлайды El.kz интернет порталы.
Өткен аптада ел ғылымы орны толмас қайғыға ұшырады... Біртуар ғалым, ел ғылымына өлшеусіз үлес қосқан атақты ғалым, дара тұлға Қаныш Сәтпаевтай тектінің тұяғы – Әлима Жармағамбетова апайымыз дүниеден озды. Ғалымның өмір жолына үңілсек, Әлима Қайнекейқызы – химия ғылымдарының докторы, Ұлттық ғылым академиясының Катализ және электрохимия институтында лаборатория меңгерушісі қызметін атқарды, - деп жазды министр Саясат Нұрбек.
Ол 1973 жылдан бүгінгі күнге дейін ұзақ жылдар бойы Д.В. Сокольский атындағы Жанармай, катализ және электрохимия ғылыми-зерттеу институтында инженер, кіші ғылыми қызметкер, аға ғылыми қызметкер, бас ғылыми қызметкер, институт директорының орынбасары секілді түрлі лауазымдарды абыроймен атқарып, соңғы жылдары органикалық катализ зертханасының меңгерушісі лауазымдарын атқарды.

Фото: facebook.com/sayasat

 
Қаныш Имантайұлының өз сөзімен айтсақ, «маман, білімді ғылым кадрлары – біздің негізгі күшіміз, ғылымдағы басты тұлға». Әлима Қайнекейқызы осындай тұлғалардың қатарында болды.
Ол «Кинетика және катализ», «Экологиялық катализ», «Мұнай химиясы», «Полимермен тұрақтандырылған наноқұрылымды катализаторлар» пәндері бойынша магистранттар мен докторанттарға дәріс оқып, көптеген шәкірт тәрбиеледі. Ғылымға өз үлесін қосып, білгенін кейінгі буынға үйретуден жалыққан жоқ, - дейді Саясат Нұрбек.
300-ден астам ғылыми мақаланың авторы атанып, еңбектері халықаралық беделді басылымдарда жарияланды. Оның ішінде Scopus мәліметтер базасындағы CiteScore көрсеткіші 35-тен кем емес басылымдарда 6 мақала және CiteScore көрсеткіші 20-дан кем емес басылымдарда 4 мақаласы жарық көрген Ә.Жармағамбетованың ғылымдағы жолы бізге үлгі.

Фото: facebook.com/sayasat

Германия, Франция, Италия, Финляндия, Мажарстан, Түркия, Ресей және Өзбекстан елдерінде өткен халықаралық конференцияларға қатысып, қазақ ғылымының атын әлемге танытты Марқұмның отбасына, туған-туыстарына, әріптестеріне және барша ғылыми қауымға қайғырып көңіл айтамын. Жатқан жері жайлы, топырағы торқа болсын, - деп жазды Ғылым және жоғары білім министрі.
Қаныш Сәтбаев ғалым
Қысқа да нұсқа. Жазылыңыз telegram - ға

Оқи отырыңыз

{