Қан құсып жатса да, ешкім келмеді - Нұрбике Нұрқаділовамен бір палатада жатқан әйел

Марқұм саясаткер Заманбек Нұрқаділовтің бұрынғы жұбайы Нұрбике Нұрқаділованың неден көз жұмғаны белгілі болды, деп хабарлайды El.kz ақпарат агенттігі.

Бейтаныс келіншек марқұмның соңғы сәттерінде жалғыз болғанын жазды.

Анаңызды бірінші қалалық ауруханадағы біздің палатаға әкеліп жатқызды. Екі күн жатты, қатты ауырды, қатты қиналды. Қасында не су беретін адам жоқ, не орамалмен бетін сүртетін адам жоқ. «Су беріңдерші, салфетка беріңдерші, дәрігер шақырып беріңдерші» деп әрқайсымызға жалынды. Бұл кісіні ауруханаға бір келіншек әкеліп жатқызып, кеткенше асықты. «Сізге дәрі әкеліп беремін» деп кетті, содан қайтып келмеді. Апа «келінім ғой» деді. Күтім былай тұрсын, екі күн бойы артынан ешкім іздеп келген жоқ, телефон соққан жоқ. Қан түкіріп жатты. Бүкіл больница қатты таң қалды. Ақыры кешке қарай реанимацияға алып кетті. Қатты қиналған байқұс апаның соңғы күндерінде бір де бір баласы қасында болмағаны өкінішті. Бұл жағдай көп нәрсені ойландырады, — деп жазған Гүзал Мұсаева.

Айта кетейік, Құралай Нұрқаділова анасы Нұрбике Ілімбайқызы қайтыс болғанда Астанада еді.