Путин соғысты қандай жағдайда тоқтататынын айтты

Ресей президенті Владимир Путин Ресей Украинамен 30 күндік атысты тоқтату туралы келісімді қолдайтынны, алайда бұл ұзақ мерзімді бейбітшілікке әкелуі керектігін айтты, деп хабарлайды El.kz ақпарат агенттігі.

Бұл туралы Путин Беларусь президенті Александр Лукашенкомен кездесу барысында алға тартты.

Біз соғыс қимылдарын тоқтату ұсыныстарымен келісеміз, бірақ бұл ұзақ мерзімді бейбітшілікке әкеліп, осы дағдарыстың бастапқы себептерін жоюға бағытталуы тиіс, – деді ол баспасөз мәслихатында.

Естеріңізде болса, бұған дейін Ресей Федерациясы президентінің көмекшісі Юрий Ушаков те осы жайтқа қатысты былай деген:

Біз американдық тарапқа бұл украин әскері үшін уақытша демалыстан басқа ештеңе емес екенін анық айттық. Біздің мақсатымыз – Ресейдің заңды мүдделерін ескеретін ұзақ мерзімді бейбіт келісімге қол жеткізу.