Президент Жолдауын іске асырудың жалпыұлттық жоспары қабылданды

Үкімет Президенттің Қазақстан халқына Жолдауын іске асырудың іс-шаралар жоспарын бекітті, деп хабарлайды El.kz

«Жоспарда бағаны реттеу, салықтық және кедендік әкімшілендіру, бюджет процестерін жеңілдету, кәсіпкерлікті қолдау, автомобиль жолдарын салу, заң үстемдігі мен сот төрелігін қамтамасыз ету, қоғамдық қауіпсіздікті күшейту сияқты халық пен бизнес үшін өзекті проблемаларды шешу көзделген», - деді Әлихан Смайылов.

Үкімет басшысының айтуынша, жоспардың маңызды бөлігі – әлеуметтік даму, денсаулық сақтау және білім беру бойынша кешенді әрі жүйелі шараларды қамтамасыз ету болып табылады.

«Жалпы, Жоспарды 5 негізгі бағыт бойынша іске асыру экономиканы сапалы дамытуға және халықтың әл-ауқатын арттыруға мүмкіндік береді. Барлық мемлекеттік органдар мен әкімдіктер оны орындауға шұғыл кірісуі қажет», - деді Премьер-Министр.